110-sonli maktab binosida jo‘ylashgan mozaika pannosi

Taras Shevchenko ko‘chasida joylashgan 110-sonli maktab binosi Markaz-7 kichik tumanining ikkinchi bosqichdagi qurilishida barpo etiladi. 2600 nafar oʻquvchiga moʻljallangan maktabdan tashqari inshoot 280 oʻrinli uchta bogʻcha va oʻyin maydonchalarini oʻz ichiga oladi.

Me’mor Iosif Karakis loyihasi bo‘yicha qurilgan maktab sirlangan galereyalar va yashil hovlilar bilan tutashgan 12 ta ikki qavatli bloklardan iboratdir. Maktabda o‘qish va dam olish uchun eng qulay sharoitlar yaratilgan: keng sinf xonalari, ikkita faollar va sport zallari, qishki va yozgi suzish havzalari, sport maydonchalari, qo‘shimcha darslari bor guruhlar uchun yotoq xonalari, sinfl xonalari, tamaddixona va 20 ming kitobga mo‘ljallangan kutubxona. 110-maktab Karakisning O‘zbekistondagi birinchi loyihasi emas edi. Ikkinchi jahon urushi yillarida ukrainalik me’mor Toshkent abraziv zavodi va Farhod GES qurilishiga rahbarlik qiladi.

1969-yilda ukrainalik rassom Vladimir Kutkin maktabning basseyn binosi devoriga “Buyuk Kobzar” deb nomlangan ulkan mozaika pannosini yig‘adi. Pannoda kobzani ushlab turgan va uning asarlari qahramonlari qurshovidagi Taras Shevchenko tasvirlangan.

2002-yilda panno oldida haykaltarosh Leonid Ryabtsevning buyuk shoirga bag‘ishlangan haykali o‘rnatiladi. Ochilish marosimida Ukraina sobiq Prezidenti Leonid Kuchma ishtirok etadi.